مي علي تكتب: يارب نفهم
مش معنى أنك اشتريت سرير يعني حتعرف تنام
مش معنى أنك خارج في سهره وسط ناس كتير يعني حتلاقي في الازمه اللي يسندك
مش معنى أنكم خارجين و بتتصوروا و كاتبين حبيب قلبي و حبيتي يبقى انتوا كده جوه بيتكم مبسوطين..
قاعده كنبه تغني عن الحيصه اللي بتعملوها قدام الناس
مش معنى أنك لابس ساعه رولكس تبقى مواعيدك مظبوطة
مش معنى أنك لابسه شنطه براند يبقى في محفظتك فلوس كتير
مش معنى أن احنا مش بنتكلم يعني بعاد عن بعض
ولا ان احنا بنتكلم كل يوم يعني قريبين من بعض
مش معنى أنك اشتريت قصر يبقى عندك السكن و السكينه
مش معنى أنك ساكت وسكت يعني مش فاهم و لا عارف ترد ده يمكن من كتر الرد ما حيموت بنسكت
عارفين الحقيقه اتسمت ليه كده...
علشان مع الأسف مش هي اللي ظاهره قدامك
الحقيقه هي دي اللي بدور جواك و اتقفل عليها الأبواب
