نصائح نهي: ”First in First out”
أوقات كتير بشوف ناس بتشتري كمية حاجات كتيرة اوي وتسيبها في التلاجة لحد ما صلاحيتها تخلص وتكون غير صالحة للاستخدام أو الأكل!!.
طيب ليه تعملي كده؟ أحسن حاجة تشتري حاجاتك أول بأول عشان تكون دايما طازجة وده ينطبق علي اللحوم والفراخ والخضار والفاكهة وكل أنواع الجبن فتعالوا نتفق نشتري اللي يكفينا أسبوع مش أكتر عشان طعم الأكل الطازج أحلي كتير من القديم والبايت.
أما اللي ممكن اشتريه وأخليه مدة هي الحاجات المعلبة (فول،تونة،أرز ،مكرونة، زيت، زبدة، خل ، ماتشب ، مستردة ، مايونيز بس اتاكد من صلاحيتهم الأول).
أول الأسبوع أعملي جدول لنفسك مش هياخد من وقتك ١٠ دقائق اكتبي فيه منيو الأسبوع هيوفرلك وقت كبير جدا طول الأسبوع في التفكير، وهيسهل عليكي التفكير في الحاجات الناقصة، ورقة علي التلاجة اكتبي فيها أي حاجة تنقص في البيت طول الأسبوع عشان لما تطلبي حاجاتك متنسيش منهم حاجة و لما تقفي في المطبخ هتلاقي كل حاجة بتخلص بسرعة وبسهولة لما تكون كل حاجة موجودة حواليكي.
