نصائح نهي

ده المكان اللي هحاول أفيد فيه بناتي اللي مش مهتمين بالمطبخ خالص أو بتفاصيل البيت ،اللي لسه متجوزة وداخلة دنيا جديدة خايفة منها ، اللي عايشة لوحدها وبتشتغل وعايزه تنجز في أسرع وقت كل حاجة، اللي مسافرة تدرس أو تشتغل بره و محتاجة تعمل كل حاجة بنفسها.



أول كلمة هقولها هي "اللذاذة في البساطة" خليكي بسيطة في كل حاجة.



هديكي شوية نصائح هتساعدك وتخليكي مطمئنة.



أول نصيحة طول ما البيت رايق وكل حاجة ليها مكانها هتحسي أنك مرتاحة نفسيا والنظافة هتكون من أبسط ما يكون والبيت هيكون أجمل.



فأول بأول ترجعي كل حاجة مكانها علي طول وده ينطبق علي كل جزء في البيت مش المطبخ فقط!



ده بيتك وده مطبخك وأنتي عشان جميلة تستحقي تبقي في مكان جميل .